Chonv è ina plantina predestinada per la cultivaziun alpina. La plantina è robusta, dovra pauc e furnescha tranter auter blers proteins – sumegliant a soja – dentant producì local. Avant quatter onns ha l’interpresa AlpenPionier cumenzà cun la missiun chonv sin ils plats svizzers.
A Castrisch è quest onn vegnì racoltà per la terza giada il chonv CBD. I ha dà ina detga surpraisa per Gian Garofalo da la stizun Bougis. Cun l’experientscha da trais onns ha el vulì optimar la racolta sin quella hectara a Castrisch. Fin ussa deva quai ora var 20 grams chonv setg sin mintga plantina.
La finamira è stada da vegnir sin 100 grams per plantina. La gronda surpraisa: La racolta ha mussà ch’i dat ora bunamain 500 grams per plantina. Il chonv CBD n’è betg psicoactiv, ma quietescha. Perquai è quel era lubì da cultivar.
Quelle: